《如何選擇終生伴侶》
仲係五月，當我倆公婆這邊廂45度喺非洲沙漠已經熱到焗鹹蛋時，路透社消息話外家意大利竟然「五月飛霜」，仲落緊雪⛄！
其實話你知吖，落雪⛄係好睇唔好玩。我好明白香港呢個福地一年365日都唔落☃好自然，香港人會好期待☃既一刻，正所謂「越得不到，越想得到」，但當你發現一夜之間啲⛄落滿一屋頂同街巷，車行唔到人喐唔到，尤其半夜一個大風☃，第二朝起身隨時連門都開唔到，被閑喺屋企成日😩！
呢個時候輪到我嘅「意大利隊長」出場😃佢冇六舊腹肌大脾對上亦冇人魚線，不過佢有孭起頭家嘅膊頭，仲有幫屋企做家務嘅臂彎💪佢手執雪剷著住成套滑雪gear，簡直型過「美國隊長」！仲同我講「呢度好大雪好凍，你返入去先，沖定壺熱咖啡等我。」嗚啊～我感動得差啲飛撲出去啜佢一啖😘我真心覺得這樣子嘅結婚生活很浪漫。
人越大越不則重外表，明白外貌呢家嘢對於擁有一個幸福嘅家庭絕對冇幫助，男人一踏出家門嘅行為亦同喺屋企嘅行為未必成正比……
未結婚前，有無幻想過偶爾會俾條選擇題自己:
A : 最悠閒老公，好有錢去請個工人做屋企粗重嘢
B : 最有飛屎老公，喺屋企翹埋雙手由洗碗到擔泥都由老婆負責。
C : 最靚仔老公，沒有以上兩個特徵，因為老婆返親屋企都見唔到老公
D : 最性感老公，沒有以上三個特徵，但肯為屋企分擔家務，或照顧小朋友
聰明或未婚的你，是否都有問自己呢條選擇題☝☝？😏（歡迎留言俾答案，做返個非正式統計🤭）
#做家務的男人
#揀男友vs揀老公
#意大利隊長
#美國隊長
#我愛意佬
Search